Industria Arloko Lanbide Heziketari Buruzko Gida
Ongi etorri Industria arloko Lanbide Heziketari buruzko gure gidara. Bertan datu eta informazio andana aurkituko duzu, lagungarri izango zaizuna zure etorkizuna argitzeko ikasle nahiz profesional modura.
Konturatuko zinen moduan, industriarekin lotutako Lanbide Heziketa zikloen inguruan mintzatuko gara nagusiki. Zergatik Industria arloko Lanbide Heziketa? Bi arrazoi nagusi direla medio: Ez delako behar beste ezagutzen eta laneratze-maila onak dituelako.
Gida honetan informazio hau aurkituko duzu: industria arloko prestakuntza-zikloen ezaugarriak, LH ikasteko modalitate ezberdinak (urruneko modalitatea, moduluka, ikasketak eta lana uztartuz, etab.), konpetentzia profesionalen akreditazioa, profesionaltasun-ziurtagiriak, Industria arloko Lanbide Heziketa ikasi duten eta beren enpresa sortu duten pertsonen lekukotzak, etab.
